8 मार्च के 'गुनान गोष्ठी' अउ साहित्यकार सम्मेलन के होही शानदार आयोजन

बालोद : छत्तीसगढ़ राज बने 26 साल होय ला जावत हे, फेर आज तक छत्तीसगढ़ी भाखा ल ओकर असली हक अउ सम्मान नइ मिले हे। सरकारी कार्यालय मन अउ स्कूल-कॉलेज के पाठ्यक्रम में आज घलो छत्तीसगढ़ी उपेक्षित हे। कोनो भी सरकार ह छत्तीसगढ़ी बर अब तक कोनो ठोस काम नइ करे हे। इही उपेक्षा के विरोध में जागरण बर छत्तीसगढ़ी समाज डहर ले 8 मार्च 2026 (इतवार) के मंझनिया एक बजे ले पॉंच बजे तक बालोद के कला केन्द्र में एक बड़े 'गुनान गोष्ठी' अउ साहित्यकार सम्मेलन के आयोजन करे जावत हे।

​तैयारी बर जुटीस दिग्गज मन के टोली
​ए बड़े आयोजन के रूपरेखा छत्तीसगढ़ी समाज के ऋतेश्वरानंद अवधूत, तामस्कर साहू अउ हेमलाल सोनबोईर के संग बालोद के वरिष्ठ साहित्यकार डॉ. अशोक आकाश के मार्गदर्शन अउ सहयोग ले तैयार करे गे हे। ये कार्यक्रम के तैयारी ल धार दे बर ऋतेश्वरानंद अवधूत, तामस्कर साहू, अउ हेमलाल सोनबोईर के आगमन अउ बैठक मन के सिलसिला लगातार जारी हे। ए मन के सक्रिय सहयोग ले आयोजन ल सफल बनाये के पूरा तैयारी कर ले गे हे।
एकर पहिली भी छत्तीसगढ़ी समाज हा अउ बड़े बड़े आयोजन करे हे जेमे वक्ता मन के विचार सुने रेहेन। 
​छत्तीसगढ़ी समाज के अध्यक्ष डॉ. सत्यजीत साहू के मुख्य आतिथ्य अउ जनसम्पर्क सचिव श्री घनश्याम गजपाल के अध्यक्षता में 
​प्रमुख वक्ता अउ साहित्यकार मन विचार व्यक्त करही
​गोष्ठी में प्रदेश भर के नामी साहित्यकार अउ विचारक मन अपन बात रखिही, एमा
​श्री सीताराम साहू 'श्याम' (वरिष्ठ साहित्यकार, गुंडरदेही)
​श्री जगदीश देशमुख अउ डॉ. अशोक आकाश (वरिष्ठ साहित्यकार, बालोद)
​श्री गणेश यदु (संबलपुर, कांकेर) अउ श्री ओमप्रकाश साहू 'अंकुर' (राजनांदगांव)
​डॉ. इकबाल खान 'तन्हा' (मोहला) अउ श्री मनोज कुमार साहू (जिलाध्यक्ष, दुर्ग)
​श्री कृष्णा दुबे (संयुक्त सचिव, छत्तीसगढ़ प्रदेश कांग्रेस कमेटी)
​मंच के संचालन वीरेन्द्र अजनबी अउ सह-संचालन श्रीमती हर्षा देवांगन करिही। छत्तीसगढ़ी समाज बालोद ह जम्मों गुनी-मानी युवा, किसान, मजदूर अउ महतारी मन ला सादर नेवता पठोय हवे।
​तारीख: 8 मार्च 2026, इतवार मंझनिया एक बजैया ले संझा पॉंच बजे तक
​स्थान: कला केन्द्र, जय स्तम्भ चौक, कछेरी के पास, बालोद।
​संपर्क: 9424230567, 9301555849
​नेवतइया: छत्तीसगढ़ी समाज, बालोद (छत्तीसगढ़)

रिपोर्टर : रमेश कुमार चेलक